मंगलवार्ता कळेल आता
भाग्य रेशमी मिळेल आता
एकटेपणा जेथे थिजला
एकरुपता रुळेल आता
या ह्रदयीचा त्या ह्रदयीला
स्नेह आपसुक जुळेल आता
दुडुदुडु धावत अंगणातुनी
बाळमुकुंदा पळेल आता
रंगामधुनी रांगोळीच्या
हात चिमुकला मळेल आता
कल्पतरुंची बने दावण्या
वाट सुखाने वळेल आता
अमृतधारा भिजवतील मन
वषार्वच तो छळेल आता
-स्वानंद
http://amrutsanchay.blogspot.com/
No comments:
Post a Comment